رایت الله عبادی منامن
تماس با من
پروفایل من
نویسنده (های) وبلاگ رایت الله عبادی منامن
آرشیو وبلاگ
      آوای منامن (سؤز گنجینه سی suzganjinasi وبلاگی هست که تازه شروع بکارکرده وعموماازاشعاروسرده های ترکی آذری وفارسی خودشاعر درآن به نمایش گذاشته می شود.البته درآینده ی نزدیک ازاشعاردیگر دوستان شاعر نیزدرآن استفاده خواهیم کردو به اطلاع همه ی شعر دوستان و ادیبان خواهیم رساند پس بیائید دست بدست هم بدهیم به فرهنگ و ادب این مرز بوم خدمت کنیم بخصوص زبان مادریمان آذری که به جرأت می توانم بگویم بعداز زبان عربی کامل ترین و نرم ولطیف ترین زبان دنیاست.شایداصطلاحاتی دراین زبان باشدکه برای شرحش نیازبه چندین صفحه وصفحات باشد)
اشعار ترکی آذری نویسنده: رایت الله عبادی منامن - ۱۳٩۳/۸/٢٧

قبل از خواندن این شعر لازم می دانم توضیحی محضر خوانندگان و اساتید گرام بدهم توضیح اینکه : درزبان آذری و ترکی ازآنجا که آوا و تلفظ حروف و مخارج حروف غین(غ) و قاف (ق) یکی می باشد. یعنی به یک صورت تلفظ می گردد ، به همین دلیل می شوداین کلمات را درشعر قافیه  قرارداد . ولی درزبان فارسی وعربی تلفظ (غ ) g با دو نقطه بالای حرف و تلفظ (ق) gh ادا می شود.

                         " وطن "

گویول گوشی اوچوب گونوب ، گوزه ل بوداغووه  وطن

خئیر دعاسی ایستیور ، باخور دوداقووه  وطن

گلنلره محبّت ایت ، وفا یئتور گئدنلره

فدا اولوم بوتون گوزه ل ، گلن قوناقووه  وطن

او قدری مهربانیسن ، آنا دئیوبدیلر سنه

گویول گل آلچاق ایله قوی ، دوشوم ایاقووه  وطن

اوشاقووم نه عیبی وار ، منه آجیخلانا آنام

فدا اولوم آجیخلارا ، او قاش قباقووه  وطن

صفالی دامه نون وئرر ، منه امید زندگی 

اولام هایاندا وارهوس ، اوباغچا باغووه  وطن

بیرعمری ایچمیشم سنون ، سویون بولاغدا چشمه ده

قالوبدی کوزه حسرتی ، قوری بولاغووه  وطن

وطن وطندی فرقی یوخ ، محبّت اولسا آز یا چوخ

باخور بو قارنیم آج یا توخ ، یانان چراغووه  وطن

شهیددی کیمسه نین قانی ، سنون یولوندا گرآخا

بو دِین آغیردی من نجه ، چیخیم  قباقووه  وطن

سالوبدی آیریلیق بیزیم ، آرایه  گر اوزاقلیقی 

غلام خانه زادییم ، قوجا ، اوشاقووه  وطن

بو آیریلیقدی ، جبریدی ، فلک بونا رضا اولوب 

ئولومده دوتسا دامنیم ، گللم  سُراغووه  وطن

نئدیم کی چاره قالمیوب ، بو آیریلیقدا سّر وار

یانوب الولانوب گرک ، دؤزم فراقووه  وطن

هاچان بوراخدی دامه نون ، بوغفلت اللریم منیم

اورک دویر بو سینه ده ، گله قوجاقووه  وطن

بوخیرداجا اورکده چوخ ، بویوکدی دردی« رایتین»

بیرآز اگیل گَتور دئیوم ، یاواش گولاغووه  وطن

 

 

             (( قامتی خم فلک ))

قامتی خم فلک بوکوب قامتی می کمان کیمی                          

بیلمیرم ایندی نیلیم دوز یولونو آزان کیمی                          

چکدی اوتا وجودیمی ، باشدان ایاقه شعلی یم                          

جوشه گلوب یانان کؤنول قاینیرام قازان کیمی                            

درده سالوبدی باشیمی ئوزباشیمی حالیم قاتوب                        

یوخ خبریم بو دنیادان ، ناز یوخودا یاتان کیمی                          

زرگره تجربت داشی ، تا مسی لن زری سئچه                      

اولماسا گر عیار اولار یاش قورویا یانان کیمی                          

اولدی گنه گئجه یاری ، خلوته ایسته دیم یاری                            

گل گئدیرم گوروم باری ، عمری باشا چاتان کیمی                      

لحظه به لحظه عمرومون چرخی مینوبدی سورعته                    

گئتدی غروب سمتینه ، آی گئجه لرباتان کیمی   

عمر گئچر جوانلیقین ، قدرینی ساخلاماز بشر

عمرباشا چاتان زامان ، گؤزدوتولاردومان کیمی                        

نظمه چکردیم هر گئجه حُسن جمالون آی تکین                      

وصف ایلیردیم آی یوزون ، تشنه سووا باخان کیمی                      

« رایت » اینانما بو زامان یوخ دانشیخدا اعتبار                      

کیمسه نی کیمسه یخمیوب زمانه ده زامان کیمی

          

          (( قانع اول مور کیمی ))

سالدون ای چرخ نه دن فرصتی نادان الینه
وئردون انصاف سیزین رشته  ی فرمان الینه                        
چکدون هر یئرده آدام سیزلاری دارین باشینا
یاخدون عالمده بتون کیمسه سیزین قان الینه
 
بوریوبسن غمیله ، دردیله دورت بیر طرفین
 
سالمادون درتلی لرین  بس نیه درمان الینه                                      
آلدون امکانین الینن ایلدن زار و غمین
 
قویمادون بیرجه دوشه قدرت و امکان الینه                           
هی وئروب وارلنی میندیرمیسن امکان آتینا
 
دئمه دون بیربئله  واری سالوب هاردان الینه
 
نیـــه  یازدون همیشه  دردی  گرفتار آدینا
 
دوشدی بیر قانلی تیکه ، کینه لی دوران الینه 
 
کیمسنه درد یازوب دردینه درماندا یازوب
 
حیف و افسوس اولا قویمور دوشه انسان الینه     
 
نگران اولما گولوم یاخشی یامان گون گئچجک
 
قانع اول مور کیمین ، باخمـــا سلیمان الینه                    
 
کاش مقدور اولا لقمان کیمی بیر نسخه یازان
 
جانِ  عالملری  رایت  ایده  قوربان  الینه                                                                                                                                                                                                                                                                                .

              :: قافله ی عمر ::                                                                                                                                                                                                                                  غفلـت ایله دیک  قافله ی عمر سووشدو         

دنیا بیزه هر یئرده یاغی  یولچونو قوشدو 

گونلر هاموسی بیر بیرینه  دال چؤیورنده 

دوس قویدی بیزی ئوزگه دن احوالی سوروشدو 

گون هفته نی ، هفته آیی ، آی ایل دالسیجان                

عمری باشا چاتدیرماقا هر لحظه  قووشدو

آخیر  بو  فلک غربته   تبعیدیمی  یازدی

قوی یازسین اگر گؤیلی بو تبعیدیله خوشدو

آلدون هامینین دار و ندارین یولا سالدون 

بیر عمریدیکی اولموشام ایندی سنه  بوشدو  

افسوس او اویاق قالماقیما مغرض الینن 

یوز حیف اولا او طبع روان کی  بئجه  جوشدو

بیچاره بو رایت گئجه نی  صبحه تک اوتدی

یازدی یامادی قیردی داغتدی  گنه  قوشدو  

ئوللم  گئدرم  بیر گون  اولار  قبریمین  اوسته 

افسوس دییرسن کی بو گونلر یئری  بوشدو.          

 

              || منله  دونیا ||                               

قوروب غم چینین آرنیمدا مــوازی

واری  کج  روزگارین  منلـه   بـازی

گرکـدور اوینیام  من هر نه  چالسـا

نئدوم کی کوک ایدوبدی ترسه سازی

دِمه بی جا  فلک له  دوسلـوقوم وار

بو  چرخین  دوسلــوقا  هاردا  نیازی                              

اگر وارسیدی چرخین  دوستا بازی 

ئوزولمزدی طاماح  اوسته  بـوغازی

بشـر عمـر ایلـیر بس نوحیدن چوخ

جـهان  گلـشن  اولار یـار ناز  نـازی

گؤدردیم آخشامی گَلْسین  سـُؤرینن

بـالا  جیــرانی  بـوینــوندا  قـــوتـازی

اولاردیم  همدمی  هر  نو  عروسین

گـَـلَردی رومیدن  چین نن  جــهـازی 

اگـر  سن  تک  اولا  شیخ ِ شـریعت

بوتون برهم  ویرار  شامـی  حجـازی                                          

ســنه  ابلیـس  یازسـئیدی  طـریقت                  

قیـلاردون  ترسـیه  هر گون  نمــازی

اگر یوخلوخلا توخلوق تاپسا هر کس

بگنمز چوخلـوق  ایچره  یوخسـا  آزی

حقـیــقی  عاشـقه  خصلتـدی  رایت

سِـــوَر  یارین ، نجه  محمــود  ایـازی          

                                                                                                                                                                                                                                                                                                                                                                                          

      :: شمس ضحی  ::

چوخداندی گوزوم یولدادی ای حور شمایل

گل بلکه اولا دیده او دیدارووَه نایل

گیزلتمه قمر طلعتی غیبت بولوتوندا

هرچند وارون غیبتووه چوخلی دلایل

گَل السیز ایاق سیزلاری ظولم ایلدی پامال

ای قدرت بازوسی ستمکشلره حایل

عطر نفسونن دولانور  چرخی حیاتین

ای میرکرم، شمس ضحی ، بحر فضایل

هرکس بو فراقون ایدور ئوز درکی جه تفسیر

چوخلی یازیلوب شأن و مقامونده رسایل

حاشا چکم ال من بو مبارک اتَگـــــونن

ال چکمز اولان سلطنتون مولکونه قایل

شاها قاپوون توپراقی بو گوزلره سورمه

وئر اذن قاپوندا دورا رایت کیمی سایل                                                                                                                                                                          

                                 « عشق و درد »

عشقبازی کارهرنامرد نیست      

مرد آسایش که مرد درد نیست                      

عشق یعنی : کار مرد و روی زرد

عشق یعنی: جنگ و پیکار و نبرد

عشق باید آتشین و پاک و پاک         

عشق یعنی : کل ارواحی فداک

عشق یعنی : قلب عاشق داشتن           

بهر مُـردن جان لایق داشتن

عشق یعنی : قلب بی غَش داشتن   

عشق یعنی : مهر دلکَش داشتن

عشق یعنی : کندن  دل  ز آرزو          

عشق یعنی : ناله ها را جستجو

عشق یعنی : چون سمندر سوختن 

عشق یعنی : شمع هجر افروختن

عشق یعنی: جلوه های ناب و ناب  

عشق یعنی : مست امّا بی شراب

عشق یا لیلی تر از لیلا شدن               

عشق یا آبی تر از دریا شدن

عشق یامجنون تر ازمجنون شدن   

خون دل خوردن چومی گلگون شدن 

عشق یعنی : لحظه های انتظار        

هدیه  در راه  شرف  دار و ندار  

عشق یعنی : جوهرِ جانِ بشر    

عشق یعنی : شور ، شیدایی ، شرر

عشق یعنی : بالِ پرواز و عروج    

عشق یعنی : هجرت ازخویش وخروج

عشق یعنی : آبِ پاک چشمه سار        

با دلی آیینه وار و بی غبار

عشق یعنی : لاله وار و سرخ فام        

پیش دلبر همچو آن آهوی رام

عشق یعنی : چون شقایق سرخ رنگ   

روبرو کردن جبینی را به سنگ  

آتش اندر خرمن هستی زدن             

نعــره اندر شورش مستی زدن  

عشق یعنی : ارمغان یعنی برات       

عشق یعنی : کربلا ، یعنی فرات

عشق یعنی : بوسه بر شمشیرها      

 سینه بگشــودن برای تیـرها

عشق یعنی : زخم پیکر داشتن    

عشق یعنی : جسم بی سر داشتن

عشق یعنی : دستها باید قلم        

این قلم دستان علم جای علم

عشق یعنی : صبر بر جور عدو         

عشق یعنی : تیر خوردن از گلو

عشق یعنی : سجده برخاک نیاز     

عشق یعنی : آه یعنی سوز وساز

عشق یعنی : ناله های نیمه شب       

عشق یعنی : نام دلبر ذکر لب

عشق یعنی : پای دل پر آبله            

چون علی دریای صبر و حوصله

عشق یعنی : داغ همسر داشتن      

عشق یاصد شور و یکسر داشتن

عشق یعنی : رنج  هجران  داشتن     

شوق بوذر ، شورسلمان داشتن

عشق یعنی :  حفظ ناموس وطن       

مشت محکم بر دهان اهرمن

عشق یعنی : آنکه بی سر می دود         

زیر چرخ تانک دشمن می رود

==============================

درد یعنی : دل به سینه تنگ شد          

درد یعنی : پای رفتن لنگ شد

درد یعنی : ماندم و شد قافله              

  درد یعنی : بین دلبر فاصله

درد یعنی : درس عشقم دیر شد           

حُبِّ دنیایی مرا پا گیر شد

درد یا بازیچه ی شیطان شدن              

درد یا تسلیم او آسان  شدن

درد یعنی : ادعا ، یعنی غرور           

درد یعنی : درس و مشق بی مرور

درد یعنی : خانه خالی سوت و کور     

درد یعنی : کوچه های بی عبور

درد یعنی : دیدن جور و سکوت         

درد یعنی : دل  به سودا  در قنوت

درد یعنی : یأس و نومیدی قنوط           

آدمیّت در سراشیب سقوط

درد یعنی : دست بیعت با ستم        

درد یعنی : بنده ی خواب و شکم

درد یعنی : بی ثمر یا ویلنا                    

 

گفتن مستکبران حمد و ثنا

درد یعنی : حامی اهل غنا                  

درد یعنی : فقر را بی اعتنا

درد یعنی : شد فراموش آیه ها           

بی خبر ازحال هم همسایه ها

درد یعنی : بهر نان در واهمه                

غربت فــرزند پاک فاطمه

درد یعنی : خواب و خاموشی مرد        

درد یعنی : خود فراموشی مرد

درد یعنی : پشت پا بر شرع و دین       

خوش خیالی روی قول آن و این

درد یعنی : بنده ی دیو هوس              

دیــو آزاد و بشــر انــدر قفس

درد یا از خویشتن بیرون شدن          

خون مردم خوردن و قارون شدن

درد یعنی : ناله های بی جواب        

   درد یعنی : هاجری اندر سراب

درد یعنی : تفرقه یعنی نفاق             

درد یعنی : قرنها رنج ِ فراق

درد یعنی : فقر و فحشاء و ربا            

درد یعنی : غیبت باد صبا

                                                   ================================

                * کوی عشق  *

دولاننام کوی عشقونده ، سنون دیوانه دیوانه

حسادت گوزلری گورسه ، یئری وار ئولسه بیگانه

وجودیم اوت دوتوب یانسا ، منیم فخریمدی باک ائتمه

بودور عاشقلرین رسمی ، یانا عشق اوسته پروانه

پرستار ایستمور سنسیز ، منیم بیمار کونلوم یوخ

آخی سن نن اولان یئرده ، نیازیم یوخدی درمانه

خیالیم مرغی کویونده ، سنون جولاندادی دایم

آچور سیمرغ تک بالین ، اولا عشقونده افسانه

سبیل عشقه جان کمدور ، نه چاره آزدی سرمایم

اگر اذن اولسا دلبردن ، بویاننام قرمزی قانه

چیخاردوب یارمنی یاددان ، سوروشمور حالِ زاریمنن

اورک سیغماز سوزوم وادور،  دییم اول ماه پنهانه

اوزاق یول قورخولی ورطه ، ئُوزومده نابلد ملّاح

یئتیش امدادیمه دوشموش ، گمیم دریاده طوفانه

بو قدری آیرلیق اولماز ، امیدیم نا امید اولدی

گئدن گئتدی ، کوچن کوشدی ، اولوب میخانه ویرانه

خماره اَل دوتان یوخدی ، نه ساقی وار نه ده باده 

وئره تئز تئز ایچم جامی ، چکم بیر نعره مستانه

شماتت قلبیمی سیخدی ، منیم یول گوزله مکدن گل

داخی جان قالمیوب منده ، دوزمم رنج هجرانه

شکایت ایتمورم سن نن ، گلایه فرض قیل من نن

بیلورسن قلبیمین سرّین ، بیلورسن عاشقم یانه

او قدر آللاتمیشام کونلو ، اوزوم یوخ بیرده یالوارسام

دئیوردؤز دؤز دئیورسن بس ، نیه گلموراو دُردانه

بو قد بیهوده یالوارما ، کونول انصاف سیز یاره

نه حاجت مصراولان یئرده ، گله یوسف بو کنعانه

دوتوب صیّادیلر راهون ،  ائدوبلر دانه نی دامون

دوتاندا مرغ باهوشی ، توکللر راهینه دانه

پریشان زولفووی گوردوم ، پریشان اولدی زولفون تک

گلوب بیر لحظه اگلش قوی ، ویروم من زولفووه شانه

بوکولدی « رایتین » قدّی کمانه دوندی هجرونده

فدا اول گوزلره جانیم ، اَلونن گلمیشم جانه

اَلونن گلموری آچماق ، دوگون ویرما دوگون اوسته

بوراخ اوز دردیمه یاننام ، حواله وئرمه نادانه

کونول  امیّدیلن خوشدور، جمالون گورمگه بیرده

سن اول لیلای من مجنون ، گزیم کویونده دیوانه

==============================
         

     « اوشاخلیق یوخوسو »

فلکین قدّی بوکولسون ، گَتیروب زاره منی

بیلمورم نیلمیشم  ، ایلیوب آواره منی

قویمیور خلوت ائدم بیرجه یانان کونلوموله

گئجه گوندوز نجه گور ، غرق ائدوب افکاره منی

نازنینلرغمینین دوشگونی یم کیسمه گورور

اوخشادوربیراَریمیش ، جسمیله بیماره منی

نه طبیب ایستیورم  من  نَه دَه درمان گزیرم

گوسترون بیرجه فقط ، یارِ دل آزار منی

منی بیرنازلی باخیش تیری دگوب یاره لیوب

یوخسا اینجیتمزیدی ، بوننان آغیر یاره منی

وئرمه اغیار اَلینه ، قتلیمین اجراسینی سن

ئوز اَلونله یاپوشوب ، قوزاگینان داره منی

تیکانین آغزا دوشوب شهرتی گول همدمیدی

گول یانیندا نه اولار،اوخشاداسوز خاره منی

حسرتم آزجااوشاخلیق یوخوسون بیرده گورم

طفله تای یوخلادا بیلمور، داهی گهواره منی

« رایتم » چوخلی زاماندی یاری حسرت گزیرم

تاپیلا دیل بیلن ای کاش ، یئتیره یاره منی                           

+++++++++++++++++++++++++++++    

                 « کرم اهلی »

ئولدوردی خمارلیق منی ، گزدیرمئی ساقی

قورتار خُمی، قویما قالا بیر، جرعه ده باقی

اویناق ایلیک،عرصه ی میخانه نی بیز مست

تا بلکه قوتوردوک آرادان ، تُخم نفاقی

آذر ائلیوک اهل کرمدور بیزیم ائللر

ساخلالا کرم اهلی ، گوز اوستونده قوناقی

آسوده اولار خاطر آشفتم ئولنجه

اَل وئرسه وصالی اوپم اول باللی دوداقی

هرچند سالوب فاصله زاهد آرامیزدا

لعنت اولا هر کیمسه یاراتدی ، بو فراقی

آللاتماگیلان خلقی یاماقلی جولا زاهد

زهد اولسا یاماق ، من بیلورم فن یاماقی

دعوت ائله خَلقُ اللهی آرامشه صلحه

قویما سونه جهلیله نظامین ، اوت اوجاقی

تزویر ایلمه خلقه بیلورسن اولاجاقدان

هئچ کیسمه امام اولماسا بیلمز ، اولاجاقی

گلزار وطن ، عین حرم حرمتی واردور

دوس گئچمَسَه بیگانه گئچر ، باغلا  یولاقی 

«رایت»دالووی وئراِئله،ائل داغدی دایاخدی

بیگانه یخار تئز او ، کسی یوخدی دایاقی

ppppppppppppppppppppppppppppppp                                                                                                                              

       « قوجالار داغلار  »

بلالی باشمین بلاسی سن سن

یارالی کونلومون شفاسی سن سن

خزانلی آرزیمین صفاسی سن سن

گل اُتور باشووا دولانیم یاریم       1

{{{{{{{{{{{{{{{{{{{{{{{{{{{{{{{{

گلوبسن وئر صفا بو پوزگون گله

قمرنی بولبولی گتورسن دیله

قویما سن دردیمی اوزگه لر بیله

قوی سوین سون بوتون ائلیم دیاریم

گل اتور باشووا دولانیم یاریم       2

======================

سن گلمسون عشقیله غم باریشماز

چیچکلر لاله لر آغاشلار آچماز

چایلارون قینیوب بولاغلار داشماز

حسرتیم گویلومده قالار بهاریم       3                                                                                                                                             !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

سلامیم یئتورون بی وفا یارا

گلسین امتحانا بو ظلمت آرا

حاضرام عشق اوسته چکلیسم دارا

امر ایتسین قورولسون اوجادا داریم   4

+++++++++++++++++++++

نگاریم گئدلی کیم دردیم بیلوب

غملرین یوکونن بئلیم بوکولوب

آیرلیق اوخوننان قلبیم سوکولوب

هر لحظه چوخالوب بار اوسته باریم.   5     

ءءءءءءءءءءءءءءءءءءءءءءءءءءءءءءءءءءءءءءءء                                                              

آغلارام سالارام گویللره طنین

اورگین داغلارام دوستون دشمنین

یارام وار اورکده چوخ درین درین

نجه اوج ایلمز گویه آه زاریم           6  

ۀۀۀۀۀۀۀۀۀۀۀۀۀۀۀۀۀۀۀۀۀۀۀۀۀۀۀۀۀۀۀ

بیلدرچین  اول بیرده قییت چمنه

باش ویر گیلان قوجایا صود امنه

جان باغیشلا بیر باخوشونلا منه

قنات آچوب سنی عرشه آپاریم      7

إإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإإ

قینیوب جوشارام دریالار دوتماز

عاشقلار سؤگینی حاشا عونوتماز

آشنا غمینی بیگانه اوتماز

یار اولسون هاموزا مهربان تاریم      8

-----------------------------------------

اورگیم دولدوروب سارالان گوللر

آغلیوب آغلادار منی بولبوللر

شانه سیز قالدیلار ساشلی سونبوللر

پوزولوب گور نجه منیم افکاریم         9                     

 ×××××××××××××××××××××

یغیلوب سینمه داغ اوسته داغلار

دانیشسام داغلارا ، قوجا لار داغلار

سؤله سم لالی یه اوتوروب آغلار

بیلمورم دردونــن کیمه یالواریم               10

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

               بیرال دوت نا خدا 

بیوفا مین دوستودان بیر باوفا ایت ساخلاماخ

قیلما یارب بیر بئله نامردلره محتاج اولاخ

دوغراسا مین یول اگر بیگانه لرخوش دور منه

ایچدیگیم دوست اللرینن زهر ایچیمده آغلاماخ

سعی ایله خلقه همیشه بانی خیر اولگینان

یوخسا ابلیس لعین سن خلقه باغلیرسان یولاخ

یاتما غافل تولکولر جرأت تابار شیر اهلینه

قوی وطن ناموسی آسایشده یاتسین قال اویاخ              

غم یمینده دوشموشم اوزگون بیرال دوت ناخدا

گرچه واجبدور غریقه حقه صدقین باغلاماخ

ائل اگر باشی دومانلی قار کولکلی داغ اولا  

دورماسا دال غم گونونده اوغلونا اولمازدایاخ

آلما هرگزسن چورک منت الینن دوستودان

گر آجینان ئولسون اولسون آیلار ایللر سن داماخ

دوز یئیوب دوزلوخ اَزَن نن گوزله مه هرگز وفا

خاطرون آسوده ایسترسن گرک اولماخ ایزاخ

عاشق اول ، عشق اهلی مایلدور همیشه گویلره

یئر یوزو شردور بوتون، شردن گرکدور اَل یوماخ

عاقلین سعی بودور فرجام ِکاری خیر اولا

سنده «رایت» گئچ بو سودادن، بودنیانی بوراخ                             

        12 /1/91                                      

                                          

                «  هارا  قاچیم »

درد الینن بیلمورم ، هارا قاچیم ، هارا یا

دردون اؤلدورموشسه ده ، کیمسه گلمز هارایا

هجرون منی قوجالدوب ، من دوشدوم اعتباردان

سالدون بوینوما زنجیر ، ساتدون منی پارایا

چخدون عناد آتینا ، یالواردیم انمه دون سن

کافر دؤنر باخینجا ، قلبیمده کی یارایا

آغ گونلریم دونوبدی ، زلفون کیمی سیاهه

انصاف اولسون آی یار،رحم ایت گونی قارایا

هی وعده وئردی اما ، تز تز چیخارتدی یادان

گویلونده قالدی حسرت ، بیر یول تلین دارایا

هی گلدی گلدی دوشدی ، عمروم گونی قارالدی

سندن خبر چیخنجا ، یول باغلانار چارایا

اولدوم چوبان سوروتدوم،عمروم داوار دالیجا

اماسنون کی یوخدی، هئچ اوخشارون سارایا

گرشکّون اولسا « رایت »، یوخ امتحانین عیبی

اَمر ایت گیلن  کی  گلسون ، سنگ   محک  آرایا

                                                        6/1/87  

           « معرکه »

قورموشام معرکه ، آچمشام بازار

قازموشام ئوزومه ، ایندی دن مازار

باغلاسوز یارامی ، دایانماز قانی

بو سرّی توپراقا ، علناً یازار

سویله دیم دلبره ، بی وفا یاریم

گئدنده توپراقیم، یادگار آپار

وفالی قانیمنان سوزوب توپراقا

اؤلنجه سنیله ، ادبلی یاشار
                           9/10/82 

 

آغــلارام   آغــلار  کیـــمی        دردیـــم  وار  داغلار  کیمی

سارالمــوشام سولموشـام      یی یه سیز  باغلار  کیمـی             

 

             « رحم سیز »

بو رحم سیز سینمه ، ظلمیلن چکوب داغلار

گورن یانار حالیما ، های و هاینان آغلار

وِئراندی  غربت ائلی ، غربت ائللره گئتمه

وئروبله گور خیالسیز ، باش باشا اوجا داغلار

دایان نگاریم گئتمه ، وفالی یاریم گئتمه

گلشنیم سولارگئتسون، بوزولار بوتون باغلار 

26 /12/83                                   

                 « گوزلرون »   

گوزلدی گوزلرون ، ئوزونده نازان

گول اولوب گول کیمی عمریدن آزان

گورویوب الیمده انتظار گولی

یاز چاغی عمریمی آپاردی خازان

آیرلیق قویمیوب منه یار یولداش

اَللرون قوروسون آیریلیق یازان

باخــورام یوللارا هله یوخ خبر

گوزلریم سوزوری قان قازان قازان

قوتولماز یوللاری منی اؤلدوروب

سوروشوب گَزیرَم بیر قبیر قازان

بیر نفر اولمادی بو گَن دنیادا

گویلومی اویلیوب دردیمی یازان

عشقونده دوشموشم غربت ائللره                                

تانیمـاز  یولــونی  غربتــده  آزان                                    

« رایتم » دوشموشم غم دریاسینا

 

      *  قالوب دعاده الیم   *

سنون کیمی گوزلیم گول یوزه نه سویله مَلی

بتون جهانی ایدوبسن ، بو حُسنو یله دَلی

او حسنوویله یاراشمور سنه اورگ داش اولان

یوزونله آی  یاراشور ، گولیله لطف گَلی

 

 

 

منی بــوراخ ئوزومه ، دردیمیـــله سرگرمم 

گئدورسن ایندی کی گئت ، یار کارون اولسون علی

نقــدری یالــوارورام گئتــمه التفــــــاتون یوخ

ایکی گوزومدن آچوبسان ، قاتلی چشمه لر گئدلی

قالــــوب دعـــاده الیم ، منتـظــر  اجــابتــــووه

چخاردی شوق اتگیمنن ، جوابون اولسا بلی

او یئرده عشق اولا حاکم ، عقیله یئر یوخدی

اگرچه عقل اولا یَل ، یخاردی عشق یلی

ملامت اتمیسوز « رایتی » بو ایشده اگر

دیردیم عالمه حسنون ، اوجا سسیله جَلی

 

             « محتاج ناکس »

قدمون  قویدی منیم یار ، باشیما  تاج  ایلدی

چیخدی افلاکی دولاندی،گویه معراج ایلدی

سَکدی کهلیک کیمی سوزدی گوزل آهویه  مثال

فخر طاووسه ساتوب حسرتی درّاج  ایلدی

تاپدی یول قلبیمه نازیله منیم اولده

توکدی چوخ عشوه ،اَدا قلبیمی تاراج  ایلدی

سورادا دوردی جدا له ، منیله باشلادی جنگ

اود ویروب کونلومه ، آما لیمه حرّاج  ایلدی

وار یوخوم هر نَیی دی اولدی ایاقینده نثار

من ِ مسکینی عجب ، ناکسه محتاج ایلدی

خوش گونه ایلدی حسرت ،منی ظالم بالاسی

عشرتیم آلدی الیمدن غمه آماج ایلدی

دین ودلدن منی سالدی ، دئمه دی عاشقی یم

خرمن عُمرومی بیر لحظه ده  تاراج ایلدی

من اؤزوم غصه لی دریاده اؤزرکن اودارحم ایلمه دی

سالدی دریای ِ غمه ، طعمه ی امواج ایلدی

                                                  20/5/84   

 

         « مهربان نگاریم »

ای وفالی یاریم گل ، مهربان نگاریم گل

گئتموسن اولوب سنسیز ، تیره روزگاریم گل

تک قویوب منی گئتمه ، غربتی وطن ایتمه

راضی اولما قان اولسون ،چشم اشکباریم گل

قالما اوزگه غربتده ، گورمرم یوزون اؤللم

گل ایدوم سنه قربان ، الده هرنه واریم گل

گورنجه پوزوب حالیم،گئتمه گون بیزیم ائلدن

اوج ایدوب فراقونده ، عرشه آه و زاریم گل

چاتسا اَل گوتورمم دای ، دامن  وصالوندن

قویمارام ئوزولسون چوخ ، الدن اختیاریم گل

قانلی قانلی بیرجوت گوز، سن گئدن یولاتیکدوم

ایندیده سنی گوزلَر ، چشم انتظاریم گل

میکده خراب اولموش ، باده لر غمه دولموش

گورنجه سوزور سنسیز ، دیده ی خماریم گل

الده « رایتیم » سنسن ، قدروقیمتیم سن سن

سنسیز اعتباریم یوخ ، ارج و اعتباریم گل 

                                                26/2/82    

        

   بــلایه  من  دوشه   لی           یاریـملا   گوروشه لی                                                                                                                                                                فلـک    منـــی   ویـراندا           کاش اولیدی شل الی    

                                 

                  « پارلاق »

باغرین دیدَرَم غصّه غمین ، خنجریم  اولسا

ویران  اِئدرم  یُوردونو  یار، یاوریم  اولسا

نامرده  قناعت  بِئلی سیندیرمارام  حاشا

گرسن کیمی  عالمده گدا ، پروریم  اولسا

ئوللم ولی باش اَگمی یه جم  ظلم  ایاقیندا

خوشدورمنه اؤلمک که ظُولَم سروریم  اولسا

اولدوز کیمی پارلاق گوزومون دُرّون اَلَردیم

بیر بیر دوشورَردیم تأزه دن  اَللَریم  اولسا

سعی ایلمه ظلمیله جهاندا اولاسان  شاه

آخر یخار آلله سنی گر باوریم اولسا

انسانه  ملکدنده  اوجا قدر  وِئروبله

قدرین بیلوب هرشور و شرینده حریم  اولسا

باش شوقی اَتکده دورارام خدمته حاضر

دلبر ستمین  قویسا  کناره کریم  اولسا

ئولدوررَم  ئوزوم  تک سنیله  خاطرم  اولسا

بی قدریدی  سنسیز  دُولی بیر دفتریم اولسا

« رایتله »گوروش لحظه سی شوق اوسته مینردیم

گر اوچماقا  ترلان کیمی بال و پریم اولسا

                                                  26/3/83

      « طبعمین قازانی»

طبعیمین قازانی ایستیور داشا

باخمیور گوزومنن سوزولن یاشا

ایندی دای دوخساننان یوخدی بیر خبر

گوجونن  ییرمنی  ویرمیشام باشا

سورورم  عمریمی  یئره  ایت  کیمی

بیرالده حُقّا وار بیر الده ماشا

سِوَرَم قلبیدن مین لر انسانین 

هئچ نَیی تاپشورما  بیر قلم قاشا

 معرفت داغلاری اوجادان اوجا

کیم سِوَ بیل گَرَک داغا دیرماشا

عقیل سیز کَلَّه لر داشدان برک اولار

ایسته سه یول آچار  دامجیلار داشا

دنیانین چهره سین گورمیشم پوزگون

اعتبار ایلمور قارداش قارداشا

گوگلووه یاتماسا شعریم عفّو ایله

گر پسند ایلسون دِه « رایت » یاشا                                                                                14/2/80       

       «  شمع و پروانه »

پروانه شمین آغلاماقیندان گئجه یاتماز

هئچ عاشق اولان غصه لی دلدارینی آتماز

هر کیمسه زلیخا اولا یوسف هوسینده

بازاره چکوب یوسفینی دِرهَمَه ساتماز

هر کیمسه باشین سالسا اشاقه اوجا باشدی

باشگویده دوتوب گوزگویه تیکمک باش اوجاتماز

نامرداولان انساندا وفانی بئجه گزمه

مرداولسا کی خون جگری گوز یاشا قاتماز

من ناله ائدر کن گئجه نی صبح آچلین جا

ظالم بوخیال اوسته دی هئچ بیریئره چاتماز

ایکاش اولیدیم قوجاقیندا باشی لاله

اولسم ده بیلردیم که شهیدین قانی باتماز

عاشق همیشه نقشه چکر بزم وصاله

لیلی کیمی مجنونون آهین عرشه اوجاتماز

گول بیتسه  هراندازه چیچک لنسه طبیعت

عالم گوزه لَه دولسا  بیری حُسنووه چاتماز

فخر اتمه او شهلا گوزه آغ یوزده کی خاله

فکر ایلمه خالق سنه همپایه یاراتماز

سعی ایله بادا وِئرمَه گران  عمروی « رایت»

غفلتده یاتان کیمسه نی طوفاندا  اویاتما                                       

                                               7/1/75 

 

بو  عالمیـن   گوزه لی      خمار گوزون سوزه لی                              

کونلـوم   دؤنوب  ویرانا      وئران هاچان  دوزه لی                                      

                            *      *      *

    « لعل دوداقین مئی » 

لعل دوداقون مینین مستیم

برده به یغما لب تو هستیم

عشوه نه لازمدی ساتورسان منه

بسدی چوخ اینجیتمه منی خستیم

چوخدی بو زولفون دلی دیوانه سی

من دلی دیوانیه سر دستیم

باخما جبینیمده کی چین اگلشوب

سرو روان بودم و بشکستیم

باغلاما زنجیره بو دیوانه نی

من که سنون عشقووه پابستیم

گوزلیورم یاشلی گوزیله یولون

گوزلری یولدا گولاغی سستیم

سانماکی « رایت » قوجالوب سرد اولوب

داغ غمونن هله ده ایستیم

                             15 /9/83                                            

 

      « زولفون دلیسی »

گورست بیرین عشقونده دلی اولمیا لیلی

گر اولماسا قلبی دولی من تکدی گلیلی

زولفون نقدر وارسادا دیوانه سیم من

زولفون دلیسی زولفیله زنجیر اولا نیلی

رنجورگوزوم یولدادی اولدوز سایاراق گل

لطف ایله قدم رنجه بویور یوخلا بو خیلی

هجرونده گوزه باغلامشام سیل سرشکی

دنیانی خراب ایلیر آچسام یوزه سیلی

دنیانی یخاردیم اگر اذنین وئره دلبر

ایندی بله بیر ورطه ده بیلمم ندی میلی

لایلای ده منه بیرجه یاتوم قوللارون اوسته

 «رایت»کیمی چولدن چوله سالنا بو طفیلی

                                                                      83/11/14                         
                                                                     

        « بوراخ منی اوزومه »

خیالیمین  گویونه ، جمالون  آی پارادی

سنیله دوزخ  اولسا ، سوروشمارام  هارادی

دئدیم گوزوندی  اولدوز ، ساچوندی  شام یلدا

بو سوزی من  دییَرکَن ، قارا  ساچین دارادی

جمال مولکی  اولسا ، سن اورادا ملک سن

تنها  منیم  عشقیم سن ، گیزلَتمَم آشکارادی

بوقدری ناز قیلما ،  خار ایچره وار  وقارون

گولون کی  لطفی  وارسا، اَتگینده  خارادی

سوروشمسان حالیمدان  ،  تلون تایی   قاریشوب

بَگَن  مَه سَن  گونومی ، تِلون  کیمی قارادی

بوراخ منی  اؤزومه  ، قوی غم منی اؤلدورسون

اَلون گوتور  سینمدن ، اورک دولی  یارادی

اؤلدور  بو زاری قوتار« رایتده » دای دؤزوم یوخ

سنسیز یارام ساغالماز  ، قلبیم  پارا پارادی

                                              25/12/83   

                  « سنسیز »

« سنسیز ای شوخ منیم خوشگذرانیم یوخدی »

« سن کی یوخسان ایله بیل جسمیده جانیم یوخدی »

آند اولا جانووه که چوخدا عزیر دور منیچون

ذرّه جن  بیل سنه عشقیمده یالانیم یوخدی

سن گئدنن قفسیم ، باغلی قالوبدور قاپوسی

آب و دانم قوتاروب ، کیمسه آچانیم یوخدی

ظلم الی فرقتیلن ، عشقیمی پامال ایلیوب

کُمگیم یوخدی فلکدن ، داد آلانیم یوخدی

سن کی یوخسان ایله بیل دنیا کوسوبدور مندن

سن گئدنن  بری  بو ائلده  قالانیم  یوخدی

بو وفاسیزلارا  باخما سنه تای یار اولماز

سنسیز هئچ کیمسیه عالمده گمانیم یوخدی

منی عشقونده  ، دلی  ایلسه دونمم سندن

چوللره دوشمگه دای تاب و توانیم یوخدی

آهیمین شعله لری باش اوزادوب تا گویه جن

گورنیم چوخدی بو حالتده یانانیم یوخدی 

گئتموسن « رایتی » یاددان چخادوب چرخ فلک

بو غریب اؤلکه ده بیر یاده سالانیم یوخدی

سن دئدون کیمسه منه یوخدی رقیب  عشقونده

نجه اغیاریله گوردومسه  ، اینانیم یوخدی

باغلیوبسان دلیمی ، عشقون اولوب پا گیریم

دئمه گه درد دلیم  ، نطق و بیانیم یوخدی                                                  

                                       85/5/27                       

 

           «آنانین بیمه سی »

من آنا مین گویده آچیخ ، اللرینه بیمی یم

نیمه ی جانیمدی آنام ، منده اونون نمی یم

شیره ی جانلان گئجه گوندوزبئجریبدور منی

منده کی بو قلب روفینده یانان هیمی یم

یم کیمی جوشگون لودی،توفانداتلاطمده دی

تا که منی گورمیه بیر لحظه ، سراسیمی یم

گول اورگی،نازاتگی،خیمیه ی عشقیمدی من

ساکن وابسته ی ، دلبسته ی بو خیمی یم

رسمیدی عالمده کی گنج اوسته  امین پاسبان

عمر خزائن ، آنا گنج ، منده زرو سیمی یم

شام وسحر وارگوزی اوستومده نگهبان کیمی

گوزلِیوری تا کی بیر آن غم  لباسین گِئی مییم

تاب ائلمز گوزلی یرآفت گونی باغبان گولون

غم  یِمَرَََم « رایت » هله ساغدی آنام بیمی یم

                      

            « غریب اولکه »

گل گئتمه منه رحم ایله ای گول بیزیم ائلدن

سن گئتسون اگر گئتمیجک  عشق گویولدن

ای اهل صفا گئتمه صفای گولی پوزما

پروانه گرک پر چالا کامین آلا گولدن

 هر لحظه یولون دوشسه بو ائلدن منی یوخلا

قویما بو غریب اؤلکه ده غربت سالا دیلدن

سایون باشیما ساللماقیلان عزتیم آرتار

یوخسا نه گلر دوره سی خلوت بو خجلدن

سن سن دیزیمین تابی بئلیم طاقتی گئتمه

گل شاخه سی دورمازبوداغ اوسته سینا بئلدن

گلمیشدی قوناق بوائله «رایت » اوزاق ائلدن

صید اولدی قاشون تیرینه  دای  اوچمادی گؤلدن  

                                                     10/2/85                                                                                                                                                                                                                                                                       «  مین چهره »

تاراجه گئدن کونلومی اللردن آلان یوخ

یاددان چیخیلان خاطریمی یاده سالان یوخ

دنیادن أَوتور قارداشووا ایتمه خیانت

 جان ایسته صداقتله وئروم ، اما یالان یوخ

دنیا کیمی دوغسا بوغوب آخر اوز الیله

بو فانی ِ مین چهره ده هئچ کیمسه قالان یوخ

بس ساتماگیلان عزت نفسون زره قارداش

بازار یقین ایچره فرومایه آلان یوخ

دارا دگولم  زاره گتیرسون منی مسکین

مسکینم اوزومده درِ مسکینی چالان یوخ

آسوده دی گویلوم خطرِ سود و زیاننان

من سوز سحرله گویه شهپر آچوب اوچدوم

فجرین گولی تک گلشن حقده ، آچیلان یوخ

روح علویم قالب جسمیمده سیخیشمور

«رایت»کیمی حقده باشی عرشه اوجالان یوخ

سن شمع کیمی یغموشیدون اولکه نی باشه

سن گئتدون  هامی کوشدی  بیزیم ائلده  قالان یوخ     

                                                        5/9/86

              « آهیم اوخی »

قورخوم بودی نالم سسی افلاکه اوجالسون

آهیم شرری شعله چکوب یئر گویی آلسون

قورخوم بودی ظولم آتشینی یاندیرا دلبر

یانسون دل عاشق نجه خاکستری قالسون

قورخوم بودی آهین چکه مظلوم اولان عاشق

آهیله سماواتی بتون لرزیه سالسون

قورخوم بودی عاشق اله سون شیون و ناله

سوز شررینن دل دیوانه قوجالسون

قورخوم بودی هنگام خزان اولمیا امّا

سولسون نیه گول یوزلیلرون رنگی سارالسون

آهیم اوخی تأثیر ایدر آخر دل سنگه

«رایت» منی دیندیرمه که قوی نالم اوجالسون

                                                    19/7/74

 

                « قافله سالار »

ای گوزلریم قان آغلا سن ، الدن بو جاناندور گئدن

ای یار ئوزون گل گورگیلن ، گوزدن آخان قاناندور گئدن

بو غنچه لر دردین چکن ، گلبرگ خنداندور گئدور

داغی حسین تک قلبیده ، میر جماراندور گئدن

اول شادمان منصوریمیز، اول رهبر مسروریمیز

اول آفتاب و نوریمیز ، خورشید تاباندور گئدن

ساقی گئدور میخانه دن ، غم قینیور پیمانه دن

روح وروانیم جانیدن ، باخ باخ که بو جاندورگئدن

بیزدن سفر ایتدی ملک ، قلبیم اولوب دیوانه تک

قان آغلیاخ بیزلر گرک ، اول شه سلیماندور گئدن

« رایت » اگر ایستور گئده ، بو قافله سالارلن

بو قافله سالاریمیــز  اول  پور عمـــــــراندور گئدن

                                                           25/7/74

          « کمند  زولـف »

بو کمند زولفون آخر، منی چکدی داره دلبر

بو یارالی سینم اوسته ، گنه ویردی یاره دلبر

سنیلن ردیف اولاندا ، هله قافییم یوخیدی

نه توکّل ایلمیشدیم ، نه ده استخاره دلبر

اورگیمی فرش راهون  ، ایلدیم صداقتیله

قدمون قُوی از چکینمه ، دوزرم فشاره دلبر

اورگیمی تارِزولفون ، نجه سیخدی بی مروّت

خبرون یوخ ایلیوبسن ، اونی پاره پاره دلبر

منی تیر هر نگاهون ، ایلیوبدی دین و دیلدن

اگر امتحان ایدورسن ، ایله بس اشاره دلبر

دَلی گویلومی قوجاتدون،اوکی هئچ نه بیلمزیدی

بوقدر جفانی ظولمی ، کیم ایدردی یاره دلبر

منی صید ایدن زماندان، اورگیم سینوبدی سن نن

او زمانکی چیخمشیدون ، چمنه شکاره دلبر

نه توجّه التماسه ، نه آخان سرشکه باخدی

نه بیلور قوی ایلسون بس ، دلِِ بیقراره دلبر

اولاجاق مؤثر آخر ، دلِ سنگه سوز آهیم

دوشه جک بلایه باشی ، چَکَجَک شراره دلبر

اوزاَلونله دامه سالدون ، ئوزووی منی قوجاتدون

نیه رحم قیلمادون بس ، منِ سوگواره دلبر

آپاروبدی چرخ گردون ،  اوقدرگدانی شاهی

داخی  اعتباریم  اولماز ، بئله روزگاره دلبر

نه اوتاب وطاقتیم وار،چکه دردی هجری«رایت»

نه ایشیق گوزومده قالمیش،دُؤزَم انتظاره دلبر

                                                27/11/74

           «  غم چکمه »

دِئدیم ای گول نقدر اولسادا خارون خوشسان

یاپوشوب دامنووه خار اولا یارون خوشسان

چوخدا افسرده نشان وئرمه اوزون غم چکمه

اوزُوی خوارایلمه،چوخدی وقارون خوشسان

نه اولا دامنووه یاغدیراسان شبنمِ عشق

گوره سن  اولماسا بوگرد وغبارون خوشسان                                   

من تمنّـا ایدورم  ســاقی ایدور منع دیور                                          

سوزه اولدوزکیمی اول چشم خمارون خوشسان

هامی گولدن ده آغیر سن گولی جانانه آلار

«رایته» همدم اولوب اولماساعارون خوشسان
                                                      30/2/75


     «بی سر و سامان اولاجام »

دئمیشم یاره گئدوب بیرگئجه مهمان اولاجام

شوقیله جان آپاروب شوقیله قربان اولاجام

سوسه قربانی قبول ایلسه فخریم بسدور

جانِ نا لایقیـلن همدم جانان اولاجام

من ترسایه دئسون کلمه ی تطهیری دییم

بوراخوب دیر و کلیسانی مسلمان اولاجام

چون ازل مهره ی مهریم اوتوزوب مات اولدوم

ایندی هر امر ایلسون تابع فرمان اولاجام

وای او هنگامه کی یوز دوندره دلبر مندن

سینه می چاک ایلیوب دیده سی گریان اولاجام

چون بوجانی یوغوروب غمله قوروب ایسته مورم

باشیمی عرشه دایاندیرسادا  ویران اولاجام

منی درک ایت قویاجام چوللره مجنون کیمی باش

فکرجان باشدان آتوب بی سروسامان اولاجام

«رایتین»گول یوزووی گورمگه حسرت گوزی وار

جوشاجام دریاکیمی موجیله طــوفان اولاجام     

آچاجام سیل سرشکیم ، یوزه دریــا قوراجام                    

آتشِ عشقه یانان لبـــلره باران اولاجام                                                                                      10/9/75

             «هجران اوخی »

هجران اوخی یاردی اورگیم باشینی سنسیز

توکدوم یوزه گوزدن گؤزومون یاشینی سنسیز

آرزیم گولونی خار جفا ایله دگیشدی

ویردیم اورگیم باشینه غم داشینی سنسیز

ایوان خیالیم اگه توز توپراقا دولسا

قویمام سیله گول ساخلیا فراشینی سنسیز

عشقیله محبت ایکی قارداشدی دوغولما

گَل قویما محبّت آتا قارداشینی سنسیز

خالق که ازل حوری غلمان یاراداندا

قویسیدی گوزون چکمزیدی قاشینی سنسیز

کیم دیل یاراسی ویرسادا ویرسون ولی سن یوخ

آللام جانا غیرین هامی پرخاشینی سنسیز

گَل بیرجه گوره صورتووی خسته دی « رایت »

قویما ایلیه قان گوزونون یاشینی سنسیز

                                              12/2/76

              «اشاره »

من گلمیشم اظهار ایلیم دردیمی یاره

یا  اولدوره بیر دفعه و یا ایلیه چاره

نادان الینه قلبیمی سالدیم ددیم آنلار

بو قان  اورگین یوخدی نیازی اولا چاره

یالواردیم ازل تنگه دوشن قلبیمی بوشلا

چوخ ملتمس اولدوم ایلدیم چوخلی اشاره

اما اورگی داش گولاغی پنبه لی بت تک

نه ناله مه باخدی نه ده بو حالتی زاره

افسوس اگر عمریمی سنله شریک اولدوم

هئچ گورمه میشیدیم ویرا یار یارینه یاره

یوخسا هاسی مذهبده یازوبلا بو قراری

عاشق گرک عشق اوسته چکیلسون بئله داره

یا هانکسی مسلکده قویوبلا بئله رسمی

مظلوم گرک تاب ایلسون زجر و فشاره

پروانیه باخما یارانوب شعله ده یانسون

بی تاب اورگیم تاب ایلمز سوز و شراره

« رایت »آتاسان یکسره ، جان فکرینی باشدان

نه عهده وفا ایلیه سن  بس نه قراره
                                           19/3/76     

 

            « اوت ویر منه »

سال منی قانلی چایلارا قوی آپارا سئللر منی 

سارای کیمی گلر آخیر ، گزر تاپار ائللر منی

اوت ویرمنه،یاندیرمنی،آی سوگولوم خاکسترایت

اوجوندا دوت سَپ گویلره،وئرآپارا یئللر منی

یازآدیمیوئربولبوله،قویاوخوسونگولدنگوله                                          

دوشسون آدیم دیلدن دیله ، ازبراولادیللر منی

یوخ الده هئچ غمدن چارا ، قلبیم اولوب پارا پارا

بودردیمی یازدیم یارا، غم دفتری دِئللر منی

قالسام اگرسعی ایلرم،ئولسم اگرقاز قبریمی

گول ریشه سینده دفن ایله، ایی لندیرَرگوللرمنی

آچدون یوزه توکدون تِلی،قاچدون بوراخدون بوائلی

دیل باغلاموشدوم تئللره ، چکدی دارا تئللرمنی

«رایت»کیمی یوخ بیرکسیم،دادایلورم چیخمور سسیم

سونبول گورنده آغلارام  یاندیردی سونبوللر منی 
                                                                                                                                       10/6/77

                                 

                « آچوب زولفون یئله وئرمه »

آچوب  زولفون  یئله    وئرمه    ئوزون  ساخلا   گوله   وئرمه

منه  تئز تئز گلوب  باش  ویر      عزیــزیم   فاصــله     وئرمه

گــوزتلـه   برف  و  باراننان        گران  عمـرون   یئله   وئرم  

منی  سال   بنده  در بنده       ولی قانلی   سئـله   وئرمه

منی  آســـایشه  خــاطر         ساتوب هر  مشکله  وئرمه

ئوزون   اولدور  منی   قورتار      سن   آلله قــاتله     وئرمه  

بو ائلدن  قاچمـوشام  بیرده     منی  سن  بو  ائلـه   وئرمه

ئوزون   ویر  موجا  ،  دریـایه      قـرانلوق   سـاحله    وئرمه

ئـولـوب  جـورا  رضا  اولـما        فســارون   جاهـله    وئرمه

یـالان  دنیــاده  اول ســاده       ولـی  دل  باطلــه    وئر مه

بیلن یوخ دردیمی « رایت »      دئسم دیلدن دیله    وئرمه 

 

       « فلکین دوسلوغو »

ای کاش کی  دوتمیدوم  اولدن  بو  سراغی

تا باغلیا هر یئرده منه یولی ، یولاغی

ظالم نجه هر یئرده گوروب تک منی ویردی

چکدی سینمون اوستونه هر یئرده بو داغی

نیلوم که پوزوب گلشنمی گللر آپاردی

غارت ایلیوب عمری ، امیّدیمی یاغی

گول آچمادی آرزیم گولی سولدی بوداغ اوسته

نه بو منه گول ساخلادی نه باغچانی باغی 

سیندیردی گولون ساخه سینی چوخ غضبیلن

گویدی یوخودا غنچه نی ، وحشتده بوداغی

گَلدی بیرینه اولدی قوناق چکدیله نازین

یورگون جانی دینجلدی یئیدی بال کره یاغی

آلدی اله باشدان گینه ده عادت شومین

یاندیردی ستم آتشی سوندوردی چراغی

« رایت » نقدر ایتدی فغان ، ایلدی ناله

یوخدور ایله بیل کی اشیده ناله گولاغی

دوتماز فلکین دوسلوغو « رایت » بشریلن

کس اوزگه دن  امیّدوی تیک حقّه دایاغی

                                             5/11/79                                                                                                                 

    « بیر دوستوم وارید ی »

بیر دوستوم واریدی گئتمیشدی حاجا

بورنون دلیگی آممارا باجا

ایله بیل ماشینی مینوب اشگه

میننده ماشینا چخاردی تاجا

کشاب اؤلکه سینده اولموشام یاناش

یوردونون گوردونا مشدی سراجا

اوشاقلوق شیطانلوق مزه لی گونوم

دیرماشا دیرماشا چیخدیم آغاجا

کسردیم دوره سین تندیرین نَنَََََم

سوتلی بوغداسینی توکنده ساجا

یغاردی باشینا جوجه سین تووخ

دیردی اوللارا دادلی تاپپاجا

سووخدان  شاخدادان ، بوراننان  قاردان

گوزلی یه گئتمسون پاییز تاراجا

نه واری توخلارون آجدان خبری

سوموگی قَمیرَر آتاسان آجا

عجایب غرایب دوس واریم منیم

بیرسی بیرینن چیخوب قاراجا

دَی مزله هئچ بیره بیریده هئچه

بیرسی آلچاخدی بیریسی اوجا

بیریسی اَیریدی بیریسی یِدّی

بیریسی فتنه دی گیرده بالاجا.                   

 

       « یوخ بوندا یوخ انصاف »

اولمزدیم اگر گورسیدیم شاخ ....بیرده

باش تاجی اولا لعلیدن امّا ئُوزی گیرده

زهری یاریلار گر دوشه تنگه قالا گیرده

باخدوقجا چکر حسرت اونا تازه پنیرده

========================1

روشندی بو مطلب هامویا بلکه دگور لاف

باخدوقجا چکوربنده ، سالور دامه بی انصاف

سانکی بیر اسیردی غم الیندن اولوب الاّف

آیا نجه قدرت اولی قول باغلی اسیرده

=============================2

حیراندی اونون وصفینه مین آهو باخیشلار

عاقل ساتار عقیلین اونا دونیانی باغیشلار

قمری چمنی بوشلار اونون وصفینه باشلار

گلمز بئله بیر آی پاراسی وصفی سطیرده

=============================3

قاشلار دایانوب باش باشا شمشیرکیمی قان سیز

سربازکیمی کیپریک دوزوب اوخ آتماقا سان سیز

عالم یخلوبدور  ایاقی آلتینا جان سیز

یوخ بوندا یوخ انصاف اگر اولسادمیرده 

=============================4                                                          

مژگان ده دیگون تیردی یاغور هر باخشینان

عاشق قانیدی سوزله نیری تیغ  قاشینان

جان قورتارا بیلمز اگه تیر یاغسا  داشینان

هئچ گورمه میشم زوربئله شمشیریده تیرده                                

eeeeeeeeeeeeeeeeeeeeeeeeeeeeeeeeeeeeeeee   

گوزسویله دیگون چشمه ی جنات اونا چاتماز

بیردفعه باخان گوزلره گوندوز گئجه یاتماز

بیر آیدی چیخوب عرشی منوّر ایده باتماز

کیمدور بئله خصلتده بئله یولدا مسیرده

============================5                                              

بیر تیر باخیشلان یئره صیدین ایله یخدی

عاقللرین عارفلرین عرشه آهی چیخدی

گوردی لب حسرت ایکی دندانیده سیخدی

اَحسن دِه دی اولماز بئله یوز گونده بدیرده

============================6                                            

پاییز خزانی ایلیر  فصل بهاران

صف لر قاباغیندا  یئری یر آینه داران

گر امر ایلسه یاغسا یاغار لطفلی باران

هر شاخه وئرربارگول آچار تشنه کویرده

=============================7                                               

نه لطفی اولار گوگده اگر اولماسا اولدوز 

نه لطفی اولار سینه اولا اولمیا هئچ سوز

اولماز لذتی شور غذانین یا اولا دسسوز

اول لذتی کی واردی تازه ایشلی فتیرده   

=============================8                                               

باخ باخ یئریشنن دویا بیلمز باخا جیران

جیرانکی هله سهلدی عالم اونا حیران

عاقل اِوینی وئردی بادا ایلدی ویران

هئچ مَهوَش اولاممز  بو وجاهتده نظیرده                  

============================9                                                               

سرواگدی باشین اوپسین ایاقین ئوزی قویمور

حورایسته دی باخسون یوزَه دویسون ولی دویمورة

راهب  بوراخــوب دیری گلوب بزمیده اوینور

بــو  منظـــــریه شاه  اوتــوزدوردو  وزیــرده       

============================10                                            

لالدی هاموسی آغز آچالار  وصفینه دیللر

چوخ گورمه لی دورسیره چیخان وقته بودلبر

وئرمزلرای ین خوش نفسین هئچ بیری گوللر

اولماز گَله جنتده ده هئچ  گول بو عطیرده

=========================11

حاشاکی خیال ایلیه تصویری مجسم

مانی دیریلوب گلسه ایدنمز اونی مُنظَم

راحت وئررم جان اونی بیردفعه ده گورسم

بیلمم نه لذت وار بو خیالات و شکیرده

==========================12                                             

رحم اولمازاگربیربئله شحص اولسادا حاکیم

مین جانیم اگر اولسادا وئررم ندی باکیم

اولدور منی قهریله ولی سپ گویه خاکیم

مین یاره ده  تأثیر ایلمز دگسه ده شیرده

=========================13                                               

کینیله منی ترک ایلمه یوخ دارا ویرما

عیب اتمه منه گولمه گیلن چوخ یارا ویرما

غمزیله  منی  زار ایلمه اوخ  زارا  ویر ما

قوی چکسون علاوه غم هر اندازه چکیرده

============================14                                                

بو جلوه کی وار سنده هامی خلق بیندیر                                        

چک اولسا تماشایه گونی بیر یئره اندیر                                           

قوی باشینه تئز تئز اَلووی آییده دیندیر                                             

عقل اولماسافکراولماسا گوز یوخدی بصیرده

===========================15                                              

افسوس و صد افسوس اولا  مین حیف                                           

مه صورتی تصویره چکم خلق آپارا کیف                                          

اوقاش گوزه چوخلی یاراشار دیلده اولاسیف                                  

یوخسا واریمش حکمت ایله واخلی  صبیرده        

===========================16                                                  

« رایتدی » سنی  تا بورایا گتدی یئتیردی                                        

چاتمازدی الی وصلووه بیهوده گتیردی                                             

دوشدی باشیناشورون ئوزوشورین  ایتیردی                                      

بوقدرت هاسی منشی ده وار هانسی دبیرده

===========================17                                            

شرم  ایچره دی  مهتاب  اونا  هاله دیـیَللر

عاشق قانیدی گولده اولان لاله دیـیَللر

گیزلین سُؤزه کی داغلار اورک ناله دیـیللر

شرح ایلیه بیلمز بو سوزو گلسه سفیرده

<<<<<<<<<<<<<<<<<<<<<<<<<<

 

                             «غریب اؤلکه »

یار منـی قویدی  غربتـه  گئتدی  

آشدی داغلاری  دیده دن ئوتدی

چوخلی مکتوبلار یاره گوندردیم

داش  اولان قلبی  بیلمدی  دردیم 

آیریلیق  تیری دوتدی  قلبیمدن

گلشنیم  یانـدی   آتش  کینــدن

چوخ سیخوب قلبیم  بو غریب   اؤلکه

گوزلـریم   یولـدا  یار  گلـه   بلکه 

یار گلن  یولا   تیکمیشم  گوزوم

قوربانیم  یوخدی  قوربانام  ئوزوم

ایسته رم گلسون یار گوله گوله

یار گرک  یارین   قـدرینی  بوله
                                                                                                                                                    16/5/84  

 

 

                  :وفاسیز یاره یالوارما:

بو قد بیهوده آی کونلوم وفاسیز یاره یالوارما

جفاسین چک ستمکارین ، بو استمکاره یالوارما

کسوب منّت اَلین دیبدن ، ئُوپون منصور ئُوپن ایپدن

ئُوزون سال حلقه ی داری ، چکیلسون داره یالوارما

اگر چارون کسیلمیشسه ، گرکدور چاره یالوارماق

فقط درد اهلینه یالوار ، ئوزونن زاره یالوارما

گُلون گلشنده جوریله ، خزانلی صرصره گئتسه

جفای چرخه دوز سینما ، اگیلمه ، خاره یالوارما

دوشوبسن عرصه ده یالقوز ، اومیدون کسمه خالقدن

سنی اصلان یئسه خوشدور ، ولی کفتاره یالوارما
                                                           
                                                     26/10/89                          

                (( حسرت گونلری ))

 ای کاش ئولیدون سنی ای کاش

ای کاش اولیدون سنی کول باش

ای کاش دوغولمیدون آنوننان 

ای کاش دوغیدی یئرووه داش

ای کاش سنونله بئله عفریته زاماندا

اولمیدی محبّت کیمی قارداش سنه قارداش

بیر عمر شرافت یغان انسانلاری یخدون

حق یخماسا گردون یخار اوباش

دیغدان اوره گیم داغلاموسان سن

فکرایلمیسن کی وئره جکله سنه پاداش

 

خوش گونلره حسرت قالاسان آرزون اورکده 

آخسین یوزوه هرگئجه گوندوز بالا قان یاش

یانسین اوره گون قلبیمی یاندیردی خیانت

پاداش خیانتده  خیانتدی نه پاداش

مردانه ئولن انسانا آغلالا نه خائن 

حقوندی اگر دنیا سنه ایلسه پرخاش

عمروم گولی گلشنده اگر غنچه ده سولسا

خوشدور بو ستمنن ائلسم دنیادا آز یاش

ئولسون نه سنون قبرون اوسته گَلَرَم من

ئولسم نه گلوب نعشیمین اوسته نه ده آغلاش

بیر حلقه دمیر اولسا اگر ارزشه مینمز 

عالم یغشوب چکسه زمّردّن اونا قاش   
                                                                                                                                                          11/10/89   

 دوستان عزیز و خوانندگان محترم اگرکوتاهی و قصوری درحروفچینی صورت گرفته و بعضاً غلط تایپی وجود داردبه بزرگواری خودتان ببخشید.و به بنده ازطریق نظرات یا ایمیل ویابا شماره همراه 09111489580 اطلاع دهید.آرزوی سرافرازیتان رادارم تااینجا توانسته ام اشعارترکی آذری را اصلاح و تایپ نمایم که ازمنظر نظرتان خواهیم گذراند . و از نظرات و پیشنهادات سازنده خود مارا محروم نسازید. کلیه اشعار فارسی را در صفحه  2 دوم بخوانید .

                                                       کوچک شما بزرگواران رایت اله عبادی منامن

  نظرات ()
مطالب اخیر حج می رویم اشعار فارسی 1 اشعار ترکی آذری منامن
کلمات کلیدی وبلاگ عاشورا (٢) شعر (٢) هنر (٢) ادبی مذهبی (٢)
دوستان من   پرتال زیگور طراح قالب