رایت الله عبادی منامن
تماس با من
پروفایل من
نویسنده (های) وبلاگ رایت الله عبادی منامن
آرشیو وبلاگ
      آوای منامن (سؤز گنجینه سی suzganjinasi وبلاگی هست که تازه شروع بکارکرده وعموماازاشعاروسرده های ترکی آذری وفارسی خودشاعر درآن به نمایش گذاشته می شود.البته درآینده ی نزدیک ازاشعاردیگر دوستان شاعر نیزدرآن استفاده خواهیم کردو به اطلاع همه ی شعر دوستان و ادیبان خواهیم رساند پس بیائید دست بدست هم بدهیم به فرهنگ و ادب این مرز بوم خدمت کنیم بخصوص زبان مادریمان آذری که به جرأت می توانم بگویم بعداز زبان عربی کامل ترین و نرم ولطیف ترین زبان دنیاست.شایداصطلاحاتی دراین زبان باشدکه برای شرحش نیازبه چندین صفحه وصفحات باشد)
یللی جه 1

 

                          بسمه تعالی

باسلام وادب واحترام محضر مبارک هم ولایتی های عزیزم خواهشمندم عذر مرا بخاطر اسامی که برده شده بپذیرید . منظور خدای ناکرده جسارت و بی ادبی و بی احترامی نیست . و قصد و غرضی درکار نبوده ونیست اگر اسم اشخاص بزرگان و ریش سفیدان برده شده برای ثبت خاطرات و تجدید خاطرات و یادآوری بوده ، هدف ما توهین و تمسخر و تحقیر اشخاص نمی باشد . این اشعار در تاریخ 72-73 سروده شده و اکثر افراد و اسامی در تاریخهای ذکر شده در قید حیات بوده اند . آنها که هنوز هم در قید حیات هستند آرزوی طول عمر باعزت و آنها که ازبین ما رفتند و اسیر خاک شده اند برایشان مرحمت و مغفرت دارم . و امیدوارم که مرابه بزرگی و بزرگواری خود عفو بفرمایید .  

حمد ایدورم قادر الله آدینا 

اودی یئتن مظلوملارین دادینا

شامل ایدن غملیله شادینا 

ئوز لطفینی بویوک الله کریمدی

رحمیلی دیر ، السیزلره رحیمدی (1)

 

لطف ایزد شامل اولوب حالیما  

گرچه واریم شکایت اقبالیما

ئوزگه باخماز منیم قیل و قالیما

گرک گئدم حق درگاها یالوارام

او درگاهدان حاجتیمی من آلام (2)

 

ایستیرم کَدَرین ریشه سین قازام

خاطره آدیلا محببت یازام

دانیشان تارکیمی سیزلیان سازام

ایستیرم عشقوزو قلمه چکم

کینه نین یئرینه سِوْ گینی اکم (3)

 

اوجالدام باشوزو گویده کی آیا 

قیشدا کی ثمری چیخاردام یایا

بیگانه سیزیچون امتیاز سایا

زحمتین وئرمرم ائلیمین ضایا

رایتم شأنوزو یایام دونیایا (4)

 

اَلووی الیمه وئر اولاخ قایا

دالـــووو دالیما مردانه دایا

گولاخ وئر ائلیمیز دیین لالایا

گرکدور اللری بیر بیره چالاق

مرام ُ ، معرفت داغلارین الاق (5)

 

باشلامیشام یوردوموزون سؤزونه

گؤز تیکمیشم عزیز اؤلکم گؤزونه

اَنی شینه ، یوققوشونا، دوزونه

قهرمان یوردو دور شانلی وطنیم 

اونیلا یاشاسام اولماز محنیم (6)

 

شوردوزلرین شورانلیقی دوزلری 

اؤلکه میزین گوزلینین گؤزلری

قوجا لارین تجربه لی سؤزلری

برابردی بازار بازار  صدفه

نادان هرگیز چاتا بیلمز هدفه (7)

 

دَوه بوینی چالا چوکگور انی شی

اوشاق گورمز زور ایله سون بیر ایشی 

جهره دونمز قیریلسا گر کیریشی 

پول پول اوسته ایشلر پولی قازانار

ابله ندن داغ تپه نی دولانار (8)

 

قارا تپه قارالیقی تپه سی 

اشی مامام بادکشیله کوپه سی

نرگس خاتون نخودینان لپه سی 

داماغ ایلر ایی پیی گورقاسی

اِوْلندیریب گول ممدین عباسی (9)

 

یاریمادیم یار یولداشدان دونیادا 

کیم بیلدیریب شیرین ئولوب فرهادا

محبتی کیمدور سالاجاخ یادا 

اگیلوب قامتی بوکولوب بئلی 

آپاروب عمرونو محنتین سئلی (10)

 

قوربان اولوم یللی جه نین یئلی نه 

الیم چاتسا باد صبا تئلی نه 

دی یم آپار منی یارین ائلی نه

قوش دورنایا صونا لارا  قوشلارا

یئتور منی دوسلارا یولداشلارا (11)

 

سووخ بولاخ سرین سرین آخورسان 

نگارکیمی کور اوغلونا باخورسان

اوره گیمی ازیب یئره یاخورسان 

هئچ دئموسن چکر آرزی جوان دیل

یامان گونه گؤروم قالسین یامان دیل (12)

 

شور بولاغین حزین حزین آخماقی 

ایستکله رین خمار خمار باخماقی 

خوش دیلیگون قوتوسدوسو چاخماقی 

گئتدی نجه بو دوره بو زاماننان

خوش دیلی دوک گَنَه دَه بو یاماننان (13)

                                                                   

آخشام اولدوز لارین دوزوب ساتاندا

گویلومو غم آلار دی آی باتاندا

نگاریم گئجه لر منسیز یاتاندا

چیخاردی گویلره فغانیم منیم

اولاردی پریشان روانیم منیم (14)

 

آی عاشیقلر گئجه لری یاتمیون 

نگارین فکرینی باشدان آتیمیون

حقّ عاشقین ناحقلره قاتمیون 

قوی تانینسین نامرد ایگیت مردیدن

سالم اینسان خبری یوخ دردیدن (15)

 

گدای اولوب محبت آختاریرام

ایوب کیمی غم زولفونی داریرام

فرهاد کیمی عشقین داشین یاریرام

کیم نه بیلر ، نه لر چکوب بوجانیم

کیم یاخشیدیر کیمه گرک اینانیم (16)

 

بو سؤزومی یللی جی یه یئتورون

قوناق گلسه گئدسه اونو ئتورون

ئولن اولسا اونی یئردن گئتورون

قوی گولمه سین دوست و دوشمن ائلیمه

آفت ویرار ، طعنه دیسه گولومه (17)

 

گلون گئدک اَشی مامام یانینا

پی آپاراخ سوزونن ایمانینا

قوربان اولوم اونون قوجا جانینا

گورک بیزه تجربه دن نه دیْ یَر

یار یاری نی گورن زامان سؤیونَر (18)

 

اشی مامام یاخشی ناقیل دمه گین

.........  ده چاتلانگوشی یه مه گین

جوانلارین کتده قیز ایسته مه گین

اؤلکه میزین مجنونونا یازارام

فرهاد اولوب داغی داشی قازارام (19)

 

دَه ییرمانین تاپپاجالار تاپماغی 

تاپپیلدیوب دؤره برین قاپپاغی 

خان اخترین ایشلی فطیر یاپماغی

بیزلریچون ایندی اولوب داستان

بیلمزیدیک کیم آلاندی کیم ساتان (20)

 

مش سلیمین دادلی دوزلی قوشماسی

شیرین شیرین قاش گؤزون اویناتماسی

علی اکبرین عربله توکقوشماسی

هرگیز چیخماز خاطیریمنن بیلورم  

این دی ده وار آینا کیمین گورورم (21)

 

خلخال اوسته بیرگون دوشدی گذریم

مش سلیمه توشار گلدی سفریم

دفع بلا اولدی اوننان خطریم

ایشله ریمیز تمام برعکس ایشدی

او واختادا سووغودی قیشدی (22)

 

بخاریده قورقورولن یانئیری 

اوردا فقط بیرجه منی تانئیری

دِه دیم دئمه پالتارراری یانئیری

دئدی نییا دئیون بِه یَه پاخیلام

ائله گولدوم آز قالمیشدیم یخیلام (23)

(اوزامانکی)

یوردوموزون  ائل بولاغین قازدیلار

آیریلغین فـــــــرمانینی یازدیلار

هئچ کیمسه نی بو درده سالمازدیلار

آیریلموشوخ بو دردیلن هامودان

گؤز تیکمیشوک بیری گله قاپودان (24)

 

قیز گلینون صف چکمه گی یوللارا

چیچک کیمین دوزولمه گی سوللارا

فخر ایلر قولاش قولاش قوللار

هر باخیشدا بولاغ باخسا یوزونه

حیران قالار جیران باخیش گوزونه (25)

 

صدف ماما حزین سسون اوجالوب

اوجا بویون غم یوکونن قوجالوب

یوز سین نیله بو دنیا دان باج آلوب

سووشوب گونلری بوشالوب یانی

سارالوب صورتی یغیشیوب جانی(26)

 

حسن عمی گاه گاه چالوب گولمه گون

کوتوولا گوز یاشوو سیلمه گون

هئچ بیلمه دیم نه دن اولوب اولمه گون

بو دنیادان کیمسه گؤروب وفانی ؟

ازل گونن اور گتدیلر جفانی (27)

 

یللی جه سیز نجه غریب قالاجام

قان یاشیلا دریا یولا سالاجام

اوندا جبراً قلم اَلَه آلاجام

آیریلیغین دردین نظمه چکه جم

تیکانلاری چیخاردیب گول اکه جم (28)

 

یادا دوشر تندیره ساللانماغیم

بیر قیرانا اون دفه آللانماغیم

شیطانلیقین اوستونده دانلانماغیم

آنلا مادیم اوشاقلقین مزه سین 

محببتین کوهنه لیقین تزه سین (29)

 

 قویون دئیوم اوشاقلقین مزه سین

هامی سئور هر میوه نین تأزه سین

خان نه نه مه دئیون گلسین بزه سین

بئشیگیمی ، قونداقیمی ، ئوزومی

ئوز اَلیله سورمه له سین گؤزومی (30)

 

خان نه نه مین قلیانی یادش بخیر

محببتی جان جانی یادش بخیر

لفظ سؤزی قربانی یادش بخیر

بیر دانیشوب خلق اون دفه گولردی 

هارا گئتدیم ، دالیمجان گلردی (31)

 

منه دئیون مشه سراج دُوریری ؟

کالاهلارا گنه کلک قوریری ؟

خَلوَر چاتوب بورگولاری بوریری ؟

کیم گئدنده بو دونیا آپاردی

اسکندرکی دونیا لاری چاپاردی (32)

 

گؤز آچمیشام  آلمامشه  واریدی

تک گیردکان ، ترانیشه واریدی

چمنلرده گول همشه واریدی

بابا باغی ، کت قاباغی خوشیدی

عل اصغرین قاش قاباغی خوشیدی (33)

 

یللی داغیم یازدا یاشیل گییه جک

قویون گوزو گول چیچگین ییه جک

چیچکلردن منه داستان دییه جک

نه اولارکی محبتین قاپلارین آچاسان

کرم گوشوم قانادلانوب اوچاسان (34)

 

گلین داشی کهلیک لرین یوواسی

قبول اولار یانیغ قلبین دوواسی

یوردوموزین سنیمیش سن صفاسی

تلسمه سن داشا دئنر داش اورک

عمرین وئرر سنه ئولر داش اورک (35)

 

ممیش خانین کندی گلوب چاپپاغی

کت قیزنون دامدا پئین یاپپاغی

گیزلن تاپون ، گیزلنمه گی تاپپاغی

اوشاقلارین بویوک اولان ایشیدی

اوشاق اولان ایندی بویوک کیشیدی (36)

 

قافلانکو سینه سینین صفاسی

مصطفی نین حزین سسی صداسی

عنایتین ساری تورپاق هاواسی

یادگاردی هامی خلقین ایچینده

مشه ممی اوخویاردی بیچینده (37)

 

صفا وئرر کنده ایتین حورمه گی 

خوروزلارین صباحی بیلدورمه گی 

مش جانینین مردمی گولدورمه گی 

محببتی چکمک  اولماز قلمه

گوزل دئیوب خالام ام السلمه (38)

 

ملکعلی نون وای شوون اوجاتماسی 

کتدیلرین جئجیم پالاز چاتماسی

ئولوم سؤزو شاهینی قوجاتماسی

بیلمزیدیک ئولوم واردی حساب وار

محببته مینلر مینلر ثواب وار (39)

 

محرمین حسن حوسین ویرماسی

اوشاقلارین دسته لری قیرماسی

آق سققلین دسته باشی دورماسی

یادالارکن هـــر ایل محــرم گلر

بیری آغلار بیری گوزیاشین الر (40)

 

گول ممدین علی الطلوع دورماقی

جهانسوزون پنجه کشی بورماقی

سیاوشین اوشقــــلاری قورماقی

دیور قلبیم آینا کیمین دورو دور

بیر باخیشدا غنچه گولو گورودور (41)

 

یللی داغیم شهریارین داغینا

سلام آپار گول چیچکلی باغینا

اؤلنینه ، اییته نینه ، ساغینا

حیدر بابا تک قالماسین داریخار

تک اولانی دوشمن بیر اولوب یخار (42)

 

تاسما دَیوب گیرده نی یه ایشله دی

آشیقینی آشقیما مئشله دی

روشنعلی بارماقیمی دیشله دی

آخدی قانی سُوزدی یئره تؤکولدی

کوینگیمین قولتوغودا سؤکولدو (43)

 

بی عار بی عار تأکر سورن گونلریم

سوروشمه لر قاطار دوشن گوتلریم

مرجی نوخود آرپا بیچن گونلریم

یورولاردیم ایستیردیم قاشماقا

یئریوموشاق توپراق دولار باشماقا (44)

 

میرزابانون مغازه نی آشماقی

عابیدینون دورد ال ایاق قاشماقی

الطفاتین ویزویزالار ساشماقی

خاطیره دی بو دفتره یازارسان

دوز اولماسا یولون گوزله آزارسان (45)

 

ساری یسلان ترکه نوون سفری

قوبک قایا ، بورجکلی کش خطری 

گنه قالوب شیراِویلونون  اثری 

یوردوم اولوب منه حسن بینه سی

پیغام وئروب گلسین یارین نه نه سی (46)

 

چم یولونو دونرگه لر دونگه سی 

بهلول اوغلو مشدی احسان جونگه سی 

کندیمیزین دار کوچه سی ، تنگه سی 

باغچا لارین ، بار میوه سی تره سی

اوبا لارین بال قایماقی کره سی (47)

 

بیرگون اولوب گورت سوخولوب داوارا

کیم اینانار یالانچیدان حاوارا

اودا قالوب آرا یئردن آوارا

هاردان بیلوب جنده گه گوزگون گلوب

او بیلمیشدی چوبانی یورگون گلوب (48)

 

آق علینون قاننی دره داستانی

ایشلنمه سه توفک قالی پاستانی 

گورد گئچینین بوینوزوننان آستانی

یاریم چیلیق قالدی چایی قورودا

چوبان ایستَر تا سورونو قورودا !(49)

 

قاننی دره قانی لیقین بیلدیروب 

گورت گوجونو بیزلره بلندیروب 

عرب دئیور گورنچه سین ئلدوروب 

بوقویونان یاچی قورماش چیخار 

خشیل چیخار هؤرره چیخار آش چیخار (50)

 

قاننی دره قاننی لیقین دوز دئدی

قورد یی یه نی یارالی نی یوز دئدی

کسنمه سون تئز باشنی ئوز دئدی

میندار اولوب توکولمه سین باییرا

بو درینی آپار تــولــوغ قاییـــرا (51)

 

.......   دور ائلیمیزین دایاقی

قاچا قاچا دییر چکدیم ایاقی 

اوت ایلدیم دالدان گوزوم سایاقی

بیر گولله ده ویردیم دوخسان فره نی 

ترک ایلدیم بره لیگی بره نی ( 52)

 

بیشدیم چیخدیم باغی باغا دایادیم

سایاممادیم نچه دفه ساناندیم

اینان ماسان قورودو قول قانادیم

آخشام اوستی یول باشلادیم گلمه گه 

سلیمانی گورمگه دویدور مه گه (53)

 

مشه فیروز دولاندیروب گوزونو 

بئلنچیلیک باشلادی ئوز سؤزونو

ایسته یوسوز دییم سوزون دوزونو

جوانلیقیم ماسولادا قالماقیم

بازار ایچره بیرگون دهره الماقیم (54)

 

گَتدیم اونی بیرده زَهَر وئردیردیم

او دهریلن چمده پلنگ ئولدوردوم 

ضرب دستیم دوس دوشمنه بیلدیردوم

اینانماسون بیرده دئیوم جریان

هوش ایلیوب بو سؤزومه سن اینان (55)

 

آلماتورو قوشا توتوب کسمیشم

تعجبدن ایاق اوسته اسمیشم

منده اونون سؤزون بئله کسمیشم

دئدیم نیه حاق سؤز اوسته سؤز اولماز

فکر ایتمورم بو سؤزلرون دؤز اولماز (56)

 

یللی داغیم سنه غریب شاعرم 

جان قویماقا یولوندا من حاضرم

محببــــته ، معــــرفته ، چاکرم

نه بیله جک قو ایله سون نادانار

دونیادان اُتری خلقی آللادانار (57)

 

کندیمیزین بیر اوستاسی واریدی 

مغازه سی چوخ تنگیدی داریدی

هامی اونا یولداشیدی یاریدی

نه نم دئدی گل اوستیا من دئییم

اوستا ......... ویرسون باشون الپئییم (58)

 

صندلی نی گتدی منه اوتوردوم

ال قوزادیم بورکوموده گؤتوردوم

جان فیکرینی بو دونیادان گئتوردوم

دوشدی یولا باشیم اوسته ایشله دی

ال قویمامیش ماشین باشیم دیشله دی (59)

 

ویش ویش دئدیم هی آغلادیم باخمادی

قارا یاغی یارامادا یاخمادی

ایلدورومنان سورا گوزدن آخمادی

نه بیلوردی باشیم اوسته ایله دی

اوستی باشین قیزیل قانا بله دی( 60)

 

 بو تئزلیگه عمرون گولی سولماسین

ناکام گویلون قارا قانا دولماسین 

بار ایلاها هئچ کس ناکام اولماسین

قوی کام آلسون سینیخ گویلون شاد اولسون

گویول گوشی قفسدن آزاد اولسون (61)

 

ایستیوسوز هوا وضعین بیله سوز

مش امراهی گرک دوتان دیله سوز

ئوزی بیلور دئیورکی سؤز گوله سوز

امراه عمی کولکدن ده قاردان ده

آزلیدان ده چوخلی دان ده واردان ده (62)

 

کیمسه بیلمز ندن آغارمیش باشیم

نیه بیلمور دایم آخور گوز یاشیم

 غربته آتیلوب ازلدن داشیم

منیله آرامیز اولدن یوخدی

سایلماز فلکین کینه سی چوخدی (63)

 

ئوزگه دئمز گیملر ئولوب کیم قالی

گنه منم ئوز اولکه مه وفـــالی

جهاد امرین وئرسه قالمارام دالی

دوشمنلرین میندار قانین توکرم

وطن اوغلو وطنیمه نوکرم  (64)

 

جوانلارین ناحق آخان قانلاری

ال ئوزلری قانیله الوانلاری

قوری یئرده سوسوز چیخان جانلاری

گنه گلر وطنه اوغلو وطنه

شهید دئمز هر طرفده ئوله نه (65)

 

مصطفیام نغمم  اوجا چکه جم

یوردوم اوغلو رایت سؤزون دی یه جم

درویش اولوب کهنه لباس گی یه جم

قوی دئسونلر یاراشقون اولمادی

هانسی گولدو آچوب گنه سولمادی (66)

 

یللی داغیم آجیغلانما آجیغیوا دئزنمم

آیریلانمم سنن الیم ئوزنمم

یتیم کیمی دیل دودافیم بوزنمم

دامنووی پناه بیلوب گلمیشم

قوجاقوندا یاتماقا اورگشمیشم (67)

  

آنا ده مه دونیالارین زینتی

آنا ده مه آرزیمین حقیقتی

مین کتابدی هرکلمه سی صحبتی

اودی منیم عشقیم دنیم دایاغیم

پروانه تک گئجه لری اویاغیم  (68)

 

آتا ده مه زحمتلرین قوجاسی 

آتا ده مه معرفتین اوجاسی

حیاتیمین ایشقلی قاپ باجاسی

زندگینین بویوک اولان اوستادی

اوستاد ایلر نادان اولان اولادی  (69)

 

منیم آرزیم سوزه شادلیق گتیرم

چالیشیرام محببتی بیتیرم

لایق اولسام یاخشی یئره یئتیرم

بو خدمتین فخری منیم بسیمدی

یللی جه نین یئلی منیم سسیمدی (70) 

 

 

                     پایان دفتر اول 

 

لطفا ما را از نظرات خود محروم نفرماييد . سپاسگزارم 

........ ادامه دارد  دفتر دوم درحال تایپ



لینک
مطالب اخیر حج می رویم اشعار فارسی 1 اشعار ترکی آذری منامن
کلمات کلیدی وبلاگ عاشورا (٢) شعر (٢) هنر (٢) ادبی مذهبی (٢)
دوستان من   پرتال زیگور طراح قالب